Alvilda Drammeh Magnúsdóttir

2 dögum fyrir ferðalagið

Jæja kæru vinir og allir hinir.

Vá stundum er gjörsamlega allt á hvolfi og allt gengur á afturfótunum. Bíllinn okkar er búinn að vera bilaður, lekur úr vatnskassanum.Þar sem ég sjálf er að fara í FRÍ TIL USA þá þurfti að gera við bílinn áður en ég fer svo maðurinn minn geti keyrt litla strákinn okkar í skólann og sótt hann og bóndinn komist í vinnuna.

Jæja bílinn fór í viðgerð í morgun (verkstæðið lofað mér að klára bílinn í dag) og andinn farinn að róast aðeins. Svo hringja þessar elskur í mig um hálf fjögur og segja mér að bíllinn sé tilbúinn. Þið getið ekki ýmindað ykkur gleðina í mínu litla hjarta. Þá er það frágengið og málið afgreitt.............eða það hélt ég sko. Ég fór og sótti bílinn brosandi allan hringinn og tilkynnti þessum öðlingum á verkstæðinu að núna fengju þeir frið fyrir mér í bili fyrst ég er að fara út. En ég sá fljótt eftir því grrrrr. Ég var komin minna en hálf leið heim þegar allt í einu heyrðist hrikalegur smellur í bílnum (vá heppin ég ...........EÐA EKKI.

Auðvitað hringdi ég aftur í þessa góðu stráka á verkstæðinu og sagði fara mínar ekki sléttar (sagði reyndar líka við strákinn hefði ekki átt að lofa þér áðan að þu fengir frið). Þeir sögðu mér að koma með bílinn aftur og þeir ætluðu að lyfta honum upp og skoða undir. Já já auðvitað kom annar skellur í andlitið á mér. Farinn gormur utan um dempara og gæti þurft að skipta um Demparann og allan pakkann .

Svo ég skildi bílinn eftir aftur og það verður að klára að laga hann á morgun þar sem ég fer á miðvikudag !!!!!

Jæja það er ágætt að hafa jafnaðargeð og ekki flippa yfir þegar svona er. En ef þið haldið að þetta hafi verið allt þá sei sei nei.

Þegar ég kom heim var þurrkarinn að pípa.Hann er búinn að vera hundleiðinlegur við mig undanfarið og það hefur takið mig um 6 klukkutíma að þurrka úr einni þvottavél !!! Svo ég leit á gripinn og þá voru bara jólaljósin blikkandi og allt. Það var Error á skjánum og öll jósin sem er hægt að kveikja á honum blikkuðu rosa flott (og þau eru meira að segja rauð). Þannig að núna er blessaður þurrkarinn ónýtur. Eins gott að drífa sig úr landi áður en eitthvað meira gerist